KOPSKUIF

Franceska Groenewald, voorsitter van die ATKV-tak Overberg, gesels op 12 September op Kopskuif. Skakel in en kom luister hoe hierdie ATKV-tak 'n verskil in hulle gemeenskap maak.

Reinette Lombard, medeskrywer van die gewilde ‘Tippie’-reeks, gesels op 5 September op Kopskuif. Skakel in ek kom luister hoe Reinette gesels oor hoe hierdie bekende olifant kinders aan die lees kry. Tippie is deel van die ATKV se EkKanLees-projek wat ten doel het om leesgeletterdheid te bevorder. Jy wil nie hierdie aflewering misloop nie, want Reinette vertel ook van ’n baie opwindende projek ter viering van Wêreldgeletterdheidsdag.

Reinette Lombard, medeskrywer van die gewilde ‘Tippie’-reeks, gesels op 5 September op Kopskuif. Skakel in ek kom luister hoe Reinette gesels oor hoe hierdie bekende olifant kinders aan die lees kry. Tippie is deel van die ATKV se EkKanLees-projek wat ten doel het om leesgeletterdheid te bevorder. Jy wil nie hierdie aflewering misloop nie, want Reinette vertel ook van ’n baie opwindende projek ter viering van Wêreldgeletterdheidsdag.

Op Saterdag 29 Augustus gesels Aviwe Ngabom op Kopskuif. Hierdie Suid-Afrikaanse akteur en seremoniemeester gesels oor sy dryfkrag, geleenthede en loopbaan. Verder deel bekende joernalis en skrywer, Elize Parker, 'n oomblik van refleksie.

Nina Strydom se pad na sukses is verweef met die ATKV. Sy was die algehele wenner van die ATKV-Redenaars 2025-kompetisie – ’n prestasie wat haar stem en talent op ’n nasionale verhoog geplaas het. Daarby was sy ’n finalis van ATKV-DigiToneel, waar sy haar kreatiewe vermoëns verder kon slyp en ’n verskyning in die ATKV se eie TV-realiteitsreeks, Gekies vir die Kollig, kon maak. Kom luister op 22 Augustus hoe Nina op Kopskuif gesels oor haar nuwe lewensfase, haar studies in bedryfsielkunde en die rol van Jessica in die nuwe kykNET-reeks Beter as Gister.

“Waarin lê die kern van die lewe?” het die Griekse filosoof Aristoteles eenmaal gevra en sy eie vraag geantwoord met die woorde: “Om ander te dien en goed te doen.” Kom luister op 15 Augustus hoe Shireen Louw, voorsitter van die ATKV-jeugtak Drome Jeug in Parow gesels oor die verskil wat die tak in die gemeenskap maak.

Sybil Lee, hoof van biblioteekdienste in die Overberg en Theewaterkloof gesels op 1 Augustus op Kopskuif. Skakel in en kom luister hoe Sybil gesels oor die rol van biblioteke in die gemeenskap. Sy vertel ook oor die ATKV-EkkanLees-projek se bydraes tot leesbemagtiging

Kom luister op 25 Julie op Kopskuif hoe Brandon Erasmus, voorsitter van die ATKV-tak Victoria-Wes, en Chareldine van der Merwe, projekbestuurder van die Vriende van Afrikaans (VVA), gesels. As onderwyser, gemeenskapsleier en voorsitter van die ATKV-tak Victoria-Wes verenig Brandon ’n paar liefdes: Afrikaans, opvoeding, kultuur, kuns en gemeenskap. Chareldine se liefde vir die ontwikkeling en bevordering van lees onder jong kinders ken geen perke nie. Sy deel meer oor die VVA se leesontwikkelingsprojekte, voorlesings aan kinders en die uitdeel van boektrommels

Die ATKV bemagtig al dekades lank deelnemers en gemeenskappe om in hul toekoms te belê deur projekte wat taal, kultuur en gemeenskapsontwikkeling sigbaar maak. Op 18 Julie gesels Angie Gallagher op Kopskuif oor die wye verskeidenheid inisiatiewe wat uit die ATKV spruit. Sy vertel van ‘Taalgenoot’, die ATKV se amptelike kultuurtydskrif, en RUK EN RYM, ’n kompetisie vir alternatiewe klankskeppers wat musiek met Afrikaanse lirieke maak. Verder deel Angie hoe die ATKV duisende gemeenskappe bereik deur kultuurprojekte, kompetisies en ontwikkelingsprogramme wat taal bevorder, kreatiwiteit aanmoedig en gemeenskappe bemagtig.

Sommige gevegte is nie sigbaar vir die oog nie, maar dit maak dit nie minder werklik nie. Op 11 Julie deel Monique Pieterse op Kopskuif haar reis met veelvuldige sklerose – ’n verhaal van uitdagings en hoop. Sy vertel hoe haar onwrikbare geloof haar deur die donkerste tye gedra het, hoe die liefde en ondersteuning van haar gesin haar krag gegee het, en hoe dankbaarheid haar perspektief op die lewe verander het.

In Kopskuif op 4 Julie gesels Sebastian van Niekerk oor ATKV-Tienertoneel as ’n ruimte om te groei, en om te leer hoe om met selfvertroue in die wêreld – en op die verhoog – te staan. Sebastian gesels oor deelname aan die ATKV se projek wat jou net nie aan kompetisie en kreatiewe uitdagings blootstel nie, maar jou bemagtig om in jou eie toekoms te belê. Verder deel hy sy ervaring van die gesogte ATKV-Agent-akteursrol, sowel as sy betrokkenheid by ‘Beter as gister’ – ’n splinternuwe 13-episode- Afrikaanse dramareeks op kykNET.

Eksamentyd kan ’n uitdagende en stresvolle tyd vir beide kinders en ouers wees. In hierdie insiggewende podcast deel Sannette Grobbelaar praktiese raad oor hoe om leerders emosioneel en akademies te ondersteun tydens eksamens. Van effektiewe studiemetodes en tydsbeplanning tot die skep van ’n gebalanseerde roetine en positiewe leeromgewing – hierdie gesprek bied waardevolle wenke om stres te verminder en selfvertroue te bou. Dit herinner ouers ook dat ondersteuning, begrip en ’n gesonde huisatmosfeer ’n groot rol speel in ’n kind se sukses.

In hierdie bemoedigende episode van Radio Cape Pulpit se program Kopskuif (aangebied deur Mirza XTN in samewerking met die RTKV), gesels die gasheer met twee toegewyde gemeenskapswerkers: Suzie Matlalo en Sybil Lau. Suzie, reeds sedert 1988 by die ATKV betrokke, deel hoe sy Afrikaans leer nadat sy dit nie goed verstaan het nie, en hoe dit gelei het tot die ontstaan van “Afrikaans vir Almal” – Saterdagklasse wat kinders help om Afrikaans met selfvertroue te praat, te lees en te slaag vir eksamens. Die projek het begin met net drie kinders en het sedertdien uitgebrei na vyf verskillende punte in Soweto, Flehof en Dipswood. Sybil verduidelik hoe leesvaardigheid die grondslag is vir sukses in alle skoolvakke en in die lewe. Hulle bespreek ook die Internasionale Boekedag, die gebruik van vrywilligers (fasiliteerders), en die belangrike rol van ouers en gemeenskappe. Suzie het in 2018 die Neville Alexander Prestige-toekenning vir die bevordering van Afrikaans ontvang. Die episode sluit af met 'n oproep vir meer…

In hierdie inspirerende episode van Kopskuif op Radio Kaapse Kansel gesels Meersha Eksteen met die geliefde Christelike kunstenaar Leon Ferreira oor sy meer as 30 jaar lange musiekloopbaan, die ontstaan van bekende liedjies soos My Pa is die Koning en Hang ’n Lap oor die Maan, en sy passie om hoop deur musiek te bring. Leon deel ook sy persoonlike getuienis van geloof, God se liefde en die diep geestelike insigte wat sy lewe gevorm het. Hy vertel openhartig oor sy kankerdiagnose, die uitdagende pad van behandeling, die ondersteuning van sy vrou en hoe geloof, hoop en liefde hom deur die moeilike seisoen gedra het. Met wysheid en eerlikheid moedig hy luisteraars aan om hul gedagtes op God se beloftes te rig, hoop te koester en elke dag met vertroue te leef. ’n Kragtige gesprek oor geloof, genesing, musiek, volharding en die kopskuif wat nodig is om God se liefde en teenwoordigheid in elke omstandigheid te ervaar.

In hierdie episode van die geselsprogram op ’n gemeenskapsradiostasie, gesels die aanbieder met ’n bekende musikant, vervaardiger en organiseerder van ’n talentkompetisie vir mense ouer as 50. Nou in sy tweede jaar, bewys hierdie unieke kompetisie dat passie en kreatiwiteit geen ouderdomsgrens het nie. Die gesprek fokus op die ontstaan van die kompetisie, die groot sukses van die eerste jaar, en waarom dit so belangrik is om ’n platform te skep waar senior burgers hul talente weer kan ontdek, ontwikkel en uitleef.

In hierdie inspirerende episode van Kopskuif gesels Meursha Eksteen met Edwina Solomons oor haar passie vir Afrikaans-onderrig en die impak van kreatiewe leer in diverse klaskamers. Edwina deel hoe sy tegnologie, kultuur en meertaligheid gebruik om Afrikaans toeganklik en relevant te maak vir elke leerder. Die gesprek fokus op bemagtiging, identiteit, onderwys en hoe taal brugte kan bou tussen verskillende gemeenskappe.

In hierdie insiggewende gesprek op die program "Kopskuif" verduidelik arbeidsterapeute Elisa Duplessis en Melissa Skoeman (Mondia Corporate Care, Bloemfontein) dat rus veel meer is as net slaap. Hulle bespreek die 7 tipes rus volgens Dr. Saundra Dalton-Smith: fisiese, kognitiewe, sensoriese, kreatiewe, emosionele, sosiale en spirituele rus. Hulle wys dat jy moeg kan voel selfs ná ‘n langnaweek omdat jy nie die regte tipe rus gekry het nie. Die gashere deel praktiese “mikro-oomblikke” van rus vir by die werk en huis, en beklemtoon dat ware rus jou help om meer produktief, gebalanseerd en betekenisvol te leef. Die program word moontlik gemaak deur die ATKV.

Jacques Engelbrecht, leierskapsafrigter en prosesfasiliteerder wat sy werk baseer op neurowetenskap en menslike ontwikkeling gesels op 2 Mei op Kopskuif. Sedert sy ontdekking van die Enneagram in 2012 is hy ’n toegewyde student van gedrag en motivering. Skakel in en kom luister hoe hy oor die Enneagram as persoonlikheidstipe-model gesels. As mede-outeur van die transformerende boek, ‘Van Kettings tot Keuses’ vertel hy ook hoe hierdie boek as praktiese en storiegedrewe gids gebruik kan word.

Met die skerp toename in diagnoses soos ADHD, disleksie en ander soortgelyke toestande, word baie kinders – en selfs volwassenes – té vinnig as abnormaal geëtiketteer. Die werklikheid is egter dikwels veel meer bemoedigend – ons het nie te doen met abnormaliteit nie, maar eerder met gewone kinders en volwassenes wat abnormale gedrag toon in reaksie op onderliggende uitdagings. Prof. Jannie Ferreira gesels op 25 April op Kopskuif oor sy boek 'Lees en Leer frustrasies – ’n boodskap van hoop'. Skakel in en kom luister hoe prof. Jannie die faktore wat hierdie gedrag veroorsaak bespreek, met praktiese toeligting om die wortel van die probleem aan te spreek, en daarmee saam die geleentheid skep om lewens positief te verander.

Maak seker jy skakel in om te kom luister hoe Sanet gesels oor haar unieke benadering wat fokus op studiemetodes, leierskapsontwikkeling en emosionele ondersteuning. Sy gesels oor die praktiese kursusse en insiggewende begeleiding waarmee Illuminated Growth ouers met die nodige gereedskap toerus om ’n sterk, gesonde band met hul kinders te bou – die sleutel tot emosionele welstand. Illuminated Growth is meer as net ’n praktyk; dit is ’n ruimte waar groei, begrip en hoop saamvloei om elke kind se volle potensiaal te ontsluit.

Kopskuif met Mercia Eksteen | 11 April Dr. Kirsten du Toit, wat spesialiseer in kinderberading deur spel- en perdegesentreerde terapie, sluit by ons aan vir ’n insiggewende gesprek oor kinders se emosionele welstand. Luister saam terwyl sy die verskil tussen algemene angstigheid en skeidingsangs by kinders verduidelik, en praktiese, waardevolle wenke deel oor hoe ouers en versorgers ’n angstige kind beter kan verstaan en ondersteun. Hierdie gesprek bring nie net insig nie, maar ook rigting en hoop vir gesinne. 📻 Stroom aanlyn by www.capepulpit.co.za

Carina van Wyk, stigter en eienaar van NetSavvy, gesels op 4 April op Kopskuif oor aanlyn veiligheid. Skakel in om praktiese raad en wenke te hoor oor hoe jy jouself aanlyn kan beskerm. Carina gesels oor die waarskuwingstekens waarna gebruikers moet oplet wanneer hulle aanlyn is, asook die belangrikheid van sterk wagwoorde en hoe mense hulle persoonlike inligting aanlyn kan beskerm.

Op Saterdag 28 Maart gesels Halrika Breytenbach, kommunikasiekonsultant, vryskutjoernalis, skrywer en stigter van die musiekbediening, Halrika Music Ministries op Kopskuif. Halrika gesels oor haar debuutkinderboek, “Gertruida Gans leer ‘n les”, wat pas by Naledi Uitgewers verskyn het. Verder gesels sy oor haar liefde vir woorde en die opbouende krag daarvan. Sy deel gedagtes rondom haar musiekbediening en vertel ook oor haar optrede by KKNK.

Dink jy ooit daaroor of jy regtig genoeg vir jouself dink? Hoekom is dit so maklik om net saam met ander se denke te gaan, en hoe ontwikkel ’n mens jou eie, onafhanklike denke? Sielkundige, dr. Sonia Joubert, gesels op Kopskuif oor die krag van denke. In hierdie insiggewende gesprek verken ons hoe jy jou verstandelike vermoë én veerkragtigheid kan versterk. Dr. Joubert verduidelik hoe ’n mens jou brein kan herbedraad, en sy deel insigte oor hoe om jou optimale breingesondheid te bevorder. Sy lig ook die werklike impak van negatiewe gedagtes op jou lewe uit. Verder vertel sy meer oor haar Thinkingfit‑program en hoe dit jou kan help om jou denke doelbewus te ontwikkel.

Luister na ons eksklusiewe podcast met Selby Williams, die gewilde sanger en liedjieskrywer wie se musiek vol siel en hoop is. Hy gesels oor sy nuwe enkelsnit “Fix the Vibe” en deel insigte oor sy optrede by die KKNK. Sluit aan en laat “Fix the Vibe” jou temalied vir 2026 wees!

In hierdie inspirerende podsendings-episode deel Gera Louw, direkteur van Studio Spotlight, praktiese wenke om kreatiwiteit by jong talent wakker te maak en te ontwikkel. Geïnspireer deur Albert Einstein se bekende aanhaling dat verbeelding belangriker as kennis is, verduidelik sy Studio Spotlight se unieke holistiese benadering tot die ontwikkeling van kreatiwiteit. Een van Studio Spotlight se handpoppe deel ook ’n spesiale boodskap.

In hierdie inspirerende podsendings-episode gesels die verskilmaker Beverley McKelly oor taal en identiteit. Sy deel waardevolle insigte oor lewende erfenis, kultuurruiling en die belangrikheid van gemeenskap in die bewaring van kultuur. Beverley vertel ook hoe die ATKV-tak Sommer Net Ons ’n sterk en onwrikbare baken in haar gemeenskap geword het. Skakel in vir ’n betekenisvolle gesprek oor kultuur, erfenis en die krag van taal om identiteit te vorm.

In hierdie insiggewende podcast-episode gesels Dr. Marlena Kruger, neuro-opvoedkundige en tegnologieverslawing-spesialis, asook uitvoerende hoof van MindUnique Education en TechnoLife Wise Foundation, oor die sielkundige, fisieke en emosionele impak van oormatige tegnologiegebruik. Ontdek die waarskuwingstekens van tegnologieverslawing, hoe slimfone en digitale toestelle breinontwikkeling en welstand beïnvloed, en watter praktiese oplossings, kursusse en programme beskikbaar is om gesonde tegnologiegebruik te bevorder. Hierdie episode is ideaal vir ouers, opvoeders en enigeen wat meer wil leer oor digitale balans, breingesondheid en verantwoordelike tegnologiegebruik. Besoek www.technolifewise.org vir meer inligting.

In hierdie inspirerende podsendings-episode gesels Xola Ndondo, stigter en eienaar van Fitness with Coach X, oor verskeie geleenthede en projekte wat daarop gemik is om in mense te belê en gemeenskappe te versterk. Hy deel ook meer oor sy betrokkenheid by die ATKV-tak Victoria-Wes se fiksheidswerkswinkel vir toneelleerders en hoe fiksheid, mentorskap en ontwikkeling jongmense kan bemagtig. Kom luister hoe Xola sy passie vir gesondheid, gemeenskapsontwikkeling en jeugbemagtiging uitleef deur betekenisvolle projekte wat ’n blywende impak maak. Hierdie episode is ’n moet-luister vir enigiemand wat belangstel in fiksheid, persoonlike groei en positiewe gemeenskapsbetrokkenheid.

Vier Wêreld-hardopleesdag 2026 saam met veelbekroonde jeugskrywer Jaco Jacobs op die Kopskuif-podcast. Luister hoe die skrywer van meer as 260 boeke van sy gewilde rympies voorlees en gesels oor lees, jeugliteratuur en die wonderlike wêreld van boeke in Suid-Afrika. Hierdie inspirerende episode is ’n móét vir jong lesers, ouers, onderwysers en boekliefhebbers.

In hierdie podcast gesels ons met Ben Ferreira, outeur van Dagbreek na Aftrede, oor hoe om die beste uit jou aftrede te haal. Hy deel praktiese wenke, persoonlike ervarings en insigte oor die verskillende fases van jou herfsjare, en hoe om aftrede met doel, balans en vervulling te benader.

Wilhelm du Toit, ’n ervare opvoedkundige met jarelange kundigheid in wiskundeonderrig en betrokke by die ontwikkeling van die Kids Genius-program, gesels oor hoe leerders se syfervaardigheid effektief ontwikkel kan word. Die gesprek fokus op die Kids Genius-program, wat spesifiek gemik is op leerders in grade 4 tot 7. Wilhelm deel sy passie vir syfers, die leerproses en die kind as opvoedeling, en bied praktiese, toepaslike wenke vir ouers, onderwysers en kinders om wiskunde beter te verstaan en met meer selfvertroue aan te pak.

In hierdie inspirerende podcast-episode gesels ons met Alna Retief, sakevrou en tuinghoeroe van Burgersdorp, oor hoe groentetuine haar manier geword het om seëninge terug te saai in haar gemeenskap. Alna, ’n bekende naam in ATKV-kringe, deel haar passie vir gemeenskapsontwikkeling, volhoubare tuinmaak en hoop vir ’n beter toekoms. Luister hoe sy deur saai en oes lewens aanraak en gemeenskappe help ophef – een tuin op ’n slag.

Watter vaardighede het jy nodig om relevant en suksesvol te bly in die 21ste eeu? In hierdie insiggewende podcast-episode gesels Lizette van Huyssteen van die Practica Program oor die vaardighede wat die toekoms vereis. Sy verduidelik hoekom 21ste eeuse vaardighede belangriker is as ooit, bespreek die impak van die Vierde Industriële Revolusie op die wêreld van werk, en gee praktiese insigte oor hoe individue en organisasies relevant kan bly in ’n vinnig veranderende arbeidsmark. ’n Moet-luister vir opvoeders, professionele persone, studente en enigiemand wat wil voorberei vir die toekoms van werk.

In hierdie podcast gesels Schalk van Heerden oor die Gewoontes vir die Goeie Lewe – klein, volgehoue gewoontes wat ons help om geloof nie net as ’n stel oortuigings te sien nie, maar as ’n lewenswyse. Schalk verduidelik hoe hierdie geestelike gewoontes ’n praktiese raamwerk bied om alle dele van ons lewe – werk, verhoudings, rus, diens en aanbidding – doelbewus in verhouding met God te bring. Hierdie gesprek nooi luisteraars uit tot ’n dieper, meer geïntegreerde Christelike leefstyl wat elke dag gevorm word deur eenvoudige, getroue praktyke.

Reinette Lombard, medeskrywer van die uiters suksesvolle Tippie-leesreeks, gesels oor die groeiende leeskrisis in Suid-Afrika waarin talle kinders sukkel om met begrip te lees. Sy deel hoe sy en haar ma, José Palmer, die reeks van stapel gestuur het nadat hulle die dringende behoefte aan beter leesvaardighede raakgesien het. In hierdie insiggewende gesprek hoor jy meer oor die ATKV-EkKanLees-projek, die ontwikkeling van sterk geletterdheidsvaardighede, en praktiese hulpmiddels wat ouers en onderwysers kan gebruik om ’n ondersteunende, verrykende en interessante lees- en leeromgewing vir kinders te skep.

In hierdie insiggewende podcast-episode gesels George Johnson, skriba-kassier van die VGK Macassar, oor die belangrike rol wat die kerk binne die gemeenskap speel. Hy deel meer oor die vroeëkinderontwikkelingsprogram waarby die gemeente betrokke was en die merkwaardige impak wat dit op kinders en gesinne gehad het. George bring ook ’n spesiale Kersfeesboodskap, gefokus op hoop, diens en gemeenskapsbetrokkenheid. Hierdie gesprek belig hoe geloof, aksie en gemeenskap hand aan hand kan gaan.

Lientjie Sothmann, die eerste algehele wenner van die Andante Plus50-musiekkompetisie, gesels in hierdie podcast oor haar oorspronklike komposisie “Sterrenagkombers”. Sy deel die inspirasie en storie agter die lied wat sy spesiaal vir die kompetisie geskryf het. ’n Innemende gesprek oor kreatiwiteit, Afrikaanse musiek en die krag van oorspronklike komposisies.

Sluit by ons aan in hierdie insiggewende episode waar Marlize de Kiewit van Mindful Roots die wêreld van Neuro-Refleksintegrasie Terapie ontleed. Vind uit wat hierdie terapie behels, hoe dit werk, en waarom dit toenemend waardevol is vir die ondersteuning van fisiese, emosionele en neurologiese welstand. Luister saam om meer te ontdek oor die voordele, proses en werklike impak van Neuro-Refleksintegrasie Terapie.

In hierdie inspirerende episode gesels Adri-Marie van Heerden oor die vier kernwaardes van Advent: hoop, vrede, vreugde en liefde. Advent, die voorbereidingseisoen vir Kersfees, begin die vierde Sondag voor Kersdag en bring elke week ’n nuwe fokus en betekenis. Adri-Marie deel insiggewende tekste, idees en geestelike perspektiewe om luisteraars te help om elke tema op ’n dieper en meer betekenisvolle manier te beleef. Hierdie episode is ideaal vir enigiemand wat die Adventstyd met groter bewustheid, refleksie en geloofsdiepte wil vier.

In hierdie episode gesels ons met Gerhard de Jager, besturende direkteur van #Projectschools, oor die organisasie se visie om voltydse jeugwerkers in skole te plaas en leerders te ondersteun met hul geestelike en emosionele welstand. Ons word ook vergesel deur Liza-Marie Schutte, wat meer vertel oor #ProjectPrayer, ’n nasionale gebedsdag wat op 18 Januarie 2026 plaasvind. Hierdie besonderse inisiatief nooi Suid-Afrikaners uit om saam te bid vir ons land se leerders, onderwysers en skole. Luister saam vir ’n inspirerende gesprek oor opvoeding, geloof en gemeenskapsimpak.

“God wat saad verskaf om te saai en brood om te eet, sal ook aan julle saad gee en dit laat groei en julle vrygewigheid ’n ryk oes laat oplewer.” – 2 Korinthiërs 9:10 In Kopskuif gesels Grant Dryden oor Farming God’s Way. In hierdie gesprek deel Grant hoe Farming God’s Way nie net ’n organisasie is nie, maar ’n kragtige hulpbron wat gemeenskappe bemagtig om werklik ’n verskil te maak. Grant vertel ook hoe hierdie organisasie ’n betekenisvolle antwoord bied op die uitdagings van voedselsekuriteit en die armoedekrisis wat landbougemeenskappe regoor die land in die gesig staar. Luister verder hoe Grant verduidelik dat Farming God’s Way gegrond is op drie verweefde invloedsfere – Bybelse beginsels, goeie bestuur en toepaslike tegnologie – wat deurgaans met mekaar verweef is.

Eksamentyd hoef nie oorweldigend te wees nie. In hierdie insiggewende episode deel Elizna Botha, skoolberader van Hoërskool Linden in Johannesburg, praktiese wenke om eksamenstres te hanteer en beter voor te berei. Sy bespreek strategieë vir studiemotivering, tydsbestuur, en hoe ouers hul kinders emosioneel kan ondersteun tydens hierdie uitdagende tyd. Luister nou en ontdek hoe jy eksamens met selfvertroue en kalmte kan aanpak. Sleutelwoorde vir SEO: eksamenwenke, eksamenstres, Elizna Botha, Hoërskool Linden, studiemotivering, ouerleiding, eksamentyd, skoolberading, stresbestuur, Johannesburg

In hierdie inspirerende episode van ons podsending gesels Magé Troskie, wenner van Taalgenoot-Ruk en Rym 2025, oor hoe die kompetisie as platform dien vir alternatiewe klankskeppers. Sy deel haar liedjieskryfproses, hoe haar liefde vir reis haar kreatiewe inspirasie aanwakker, en hoe sy met haar sielsvolle musiek luisteraars diep raak. Luister saam en ontdek die wêreld van ’n kunstenaar wat die kuns van skep volkome omarm.

In hierdie episode van Taalgenoot – Klankbaan, gesels Angie Gallagher, die senior sub-redakteur van Taalgenoot en assistent-regisseur van Taalgenoot Ruk en Rym, oor die inspirasie agter hierdie unieke Afrikaanse podsending. Sy neem luisteraars agter die skerms van die ATKV se amptelike glanstydskrif en deel die storie van hoe Taalgenoot – Ruk en Rym ’n kreatiewe platform geword het vir Afrikaanse musikante en klankskeppende kunstenaars wat met alternatiewe musiek en lirieke eksperimenteer. Luister saam om meer te hoor oor die Ruk en Rym-kompetisie, wat nie net nuwe talent blootstel nie, maar ook ’n geleentheid bied om deel te word van ’n groeiende beweging in die wêreld van Afrikaanse musiek en kultuur.

In hierdie inspirerende episode deel Reginald Hufkie insiggewende gedagtes uit sy boek Vredemaker. Luister saam soos ons gesels oor selfliefde, geestelike groei en hoe positiewe verandering by jouself begin. ’n Moet-luister vir enigiemand op ’n pad van genesing en innerlike vrede.

Dr. Annelise de Vries, hoof- uitvoerende beampte van die Suid-Afrikaanse Akademie vir Wetenskap en Kuns, vertel wat die Suid-Afrikaanse Akademie vir Wetenskap en Kuns is en waarom dié organisasie bestaan. Dr. De Vries gesels onder meer ook oor die boustene van ’n taal, die fondasie van taalbeplanning en wat die gemeenskap in plek kan stel vir die betekenisvolle gebruik van Afrikaans in alle lewensruimtes van Afrikaanssprekendes.

"Hoe meer jy lees, hoe meer dinge sal jy weet. Hoe meer jy leer, hoe meer plekke sal jy ontdek." – Dr. Seuss Het jy geweet dat stories ’n bietjie soos towermiddels is? Hulle neem jou na ver plekke, stel jou voor aan nuwe maats en laat jou dink en droom op maniere wat jy nooit sou kon raai nie. Kom luister hoe Carla Horn gesels oor hoe boeke wêrelde open. Carla deel wenke oor hoe ’n liefde vir lees by kinders aangekweek kan word, en vertel hoekom hardop lees belangrik is. Carla gesels ook oor Lalla Lees se storie-avontuur tydens die Toyota Stellenbosch Woordfees.

Albert Einstein het gesê: “Ons kan nie ons probleme oplos met dieselfde denke wat ons gebruik het toe ons dit geskep het nie.” Thuma Mina Teaching (TMT) pas hierdie beginsel toe. Kom luister hoe Juliana Louw, projekbestuurder, gesels oor TMT se benadering om onderwysers en leerders met die regte hulpmiddels en metodes toe te rus. Sy vertel meer oor TMT se suksesse oor die afgelope vyf jaar en die waarde wat tot die onderwyslandskap, onderrig en leer deur middel van boeiende videolesse en hulpmiddels gevoeg word.

Op Saterdag 20 September gesels Merlyn van der Rheede, projekbestuurder van die Afrikaanse Taalraad, met spesifieke werksaamhede in die noorde van die land, op Kopskuif. Skakel gerus in en kom hoor hoe Merlyn gesels oor taal wat meer is as bloot ’n kommunikasiemiddel – dis jou identiteit. Daar word ook gesels oor die bevindinge van Merlyn se empiriese navorsing, die ruimtes wat geskep kan word om Afrikaans as ’n inklusiewe taal te vestig, en oor die Afrikaanse Taalraad se werksaamhede in die Noorde.